Доснимувањето на филмскиот проект продолжува со почетокот на месец мај, во прекрасното окружување, но и во самата летна резиденција на Романската Кралица, во градот Балчик, на Бугарскиот брег на Црното Море, на триесетина километри од Варна.

БАЛЧИК
Исклучителниот поглед на градот Балчик од морето го инспирирала големиот Овидиј, кој воскликнал. "Ох, граде од бел камен, јас те поздравувам тебе поради твојата неповторлива убавина!" Тој бил основан од Јонските колонисти во 6-тиот век ПНЕ. Милеските колонисти верувале дека божицата на убавината, Афродита, била родена таму од морската пена.

Карстните врутоци му го донеле на градот првобитното име Крунои (од Грчкиот збор со значење вруток или извор). Следното име било Дионисополис. Во 6-тиот век од новата ера, градот бил уништен од плиматски бран, но жителите ја обновиле населбата и изградиле тврдина на скоро 200 метри над нивото на морето. Во текот на Средниот Век, градот бил именуван според локалниот феудален господар, Балик.

Секако, прва дестинација во Балчик е тивкото гнездо-палата, поранешната летна резиденција на Кралицата Марија од Румунија (Месноста била во склоп на Румунија во периодот помеѓу 1913 и 1940 год.) Паркот на Палатата е имитација на фамозниот Критски лавиринт. Заради таа цел, секој камен за црквата е донесен од Крит. Тука е камената градина, односно официјално Француската градина со исклесани камени седишта и геомериски кревети. Распрснати се камени тронови, седишта, столбови и орнаменти собирани од страна на Кралицата. Најубава е Алаховата градина. Атрактивната вила има невообичаен додаток - минаре, за кое се вели дека било изградено за Турскиот љубовник на Кралицата Марија, Хасан. Сребрениот извор (кладенец) и сокачињата поплочени со дробени камења се исто така многу интересни. Земјените амфори седонесени од Шпанско Мароко, камените крстови и надгробни камења од Молдавија и Бесарабија, а мермерниот трон од Фиренца.

Кралицата Марија починала во 1938 год. Нејзината желба да нејзиното срце да биде закопано во малата капела источно од вилата и била исполнета. По повторното освојување на Добруджа од страна на Бугарија, срцето, со воена стража, било однесено во Румунија.

Главна атракција на местото е прекрасната Ботаничка Градина, оддел на Софискиот Универзитет. Градините со површина од преку 35 хектари ја опкружуваатмалата летна палата на Румунската Кралица Марија. Тие се поставени на стрмнина, и се спуштаат во облик на шест тераси кон морето - се претпоставува, поедна за секое од децата на Кралицата. Градините се "резиденција" на околу 3000 видови растенија, дрвја, грмушки, рози, разновидни цвекиња сместени помеѓу водопади, брзаци и орнаментални канали. Од овие 3000 растителни видови, преку 250 видови отпаѓаат само на родот кактуси и според овој податок, тие ја сочинуваат втората по важност колекција во Европа.